“Jab Aaogi Toh Le Jaana” is a very heartwarming shayari by our very  own sakht launda Zakir Khan. 

Original name of shayari “jab aaogi toh le jaana” is Ishq ka hasil aur jama, where hasil and jama are counting terms, hasil means profit and jama means how much you earned and how much you have saved.

 

Jab Aaogi Toh Le Jaana(Ishq ka hasil aur jama)

6 Hair bands.
4 alag alag tarah ki baalon wali Clips.
Woh..uss din jo sandal tooti thi tumhari, Uska Ek strap.
Aur haan Woh kitaab jiske panne mod kar diye they tumne.

Sambhal rakha hai maine sab,
Jab aaogi toh le jaana.

Waise chote bade mila kar,
kuch 23 kapde bhi pade hai tumhare.
Unme se, kuch me tum bala ki haseen lagi.
Jaise woh red wala top aur Black wali dress.
Woh baby pink crop top aur woh green jump suit.
Sab yahin pada hai.
Toh mai bas yeh keh raha tha ki
Kharid lena na waisa sa hi kuch kahi se.. kyunki,
Sach kahu toh Lautane ka Dil nahi karta mera…

Nahi Nahi Mazak kar raha hoon,

Sambhal rakha hai maine sab,
Jab aaogi toh le jaana…

Waise kuch hisab bhi dena tha tumko,

Jo tumhari meri Tasveer wala,
Coffee mug diya tha tumne.
Uska handle toot gaya hai mujhse.
Blue wali shirt bhi pichhle 2 hafton se,
Mil nahi rahi hai kahin par aur..
Perfume khatam ho gaya hai.
Ghadi khoyi nahi hai par band ho gayi thi.
Isliye utaar rakhi hai, bas bata raha hoon tumhain.
Woh Green wali check shirt dhobi ne jala di.
Woodland wale joote Zeeshan le gaya.
tumhare diye Earphones aur Chashma,
ek din Airport par jaldbaazi me chhoot gaye.
bahut dhunda, nahi mile.

Par

Woh sukha hua Gulaab ke phoolo ka guladasta.
tumhari lipstick ke nishaan wala paper cup.
Woh tissue paper jis par tumne number likh kar diya tha,
tumhari car parking ki parchiyaan.
Woh toote hue clutcher ke dono hisse.
tumhare mor pankh wale jhumke.

Aur mai….

yeh sab kuch jo bhool gayi thi tum,
ya shayad jaankar chhoda tha tumne.
Apni jaan se bhi jayada,

Sambhal rakha hai maine sab,
Jab aaogi toh le jaana.

To check our collection of zakir khan poems, you check below: